తేదీ:06/01/26, నెల్లూరులో జిల్లా పరిషత్ కార్యాలయంలో వికసిత్ భారత్ సమావేశంలో పాల్గొన్న ఎమ్మెల్సీ బల్లి కళ్యాణ్ చక్రవర్తి
నక్కలకాల్వ కండ్రిగ ఏపీఐఐసీ భూములపై స్పష్టత దిశ సమావేశంలో ఎమ్మెల్సీ బల్లి కళ్యాణ్ చక్రవర్తి ప్రశ్న..
*చిల్లకూరు మండలం నక్కలకాల్వ కండ్రిగ గ్రామ పరిధిలో ఉన్న ఏపీఐఐసీ భూములపై స్పష్టత ఇవ్వాలని రాష్ట్ర ఎమ్మెల్సీ బల్లి కళ్యాణ్ చక్రవర్తి కోరారు. ఈ అంశాన్ని నెల్లూరు ఎంపీ వేమిరెడ్డి ప్రభాకర్ రెడ్డి అధ్యక్షతన, జిల్లా కలెక్టర్ ఆధ్వర్యంలో నిర్వహించిన దిశ సమావేశంలో ఎమ్మెల్సీ ప్రస్తావించారు..
*దీనికి స్పందించిన ఏపీఐఐసీ జోనల్ మేనేజర్ మాట్లాడుతూ, 2010లో ఈ భూమి సీలింగ్ భూమిగా గుర్తించబడిన నేపథ్యంలో మొత్తం 54.50 ఎకరాలను ప్రభుత్వం ఏపీఐఐసీకి కేటాయించిందని తెలిపారు అనంతరం కొంతమంది వ్యక్తులు ఈ భూమిపై కోర్టును ఆశ్రయించినప్పటికీ.ఈ భూమి ప్రభుత్వానిదేనని కోర్టు స్పష్టంగా తీర్పు ఇచ్చిందని వివరించారు అదనంగా, ప్రభుత్వం ఏపీఐఐసీకి కేటాయించిన భూమిని పారిశ్రామిక అవసరాల కోసం వినియోగించవచ్చని కోర్టు అనుమతి ఇచ్చిందని తెలిపారు.
*2025లో సుమారు 40 ఎకరాల భూమిని కొన్ని కంపెనీలకు రిజిస్టర్ చేయడం జరిగిందని, మిగిలిన భూమిని కూడా త్వరలో పారిశ్రామిక అవసరాల కోసం కేటాయించనున్నట్లు అధికారులు వెల్లడించారు
*మొత్తంగా నక్కలకాల్వ కండ్రిగలోని 54.50 ఎకరాల భూమి పూర్తిగా ఏపీఐఐసీ ఆధీనంలోనే ఉందని, ఈ భూమికి ప్రైవేట్ వ్యక్తులతో ఎలాంటి సంబంధం లేదని అధికారులు స్పష్టంచేశారు
*ఈ కార్యక్రమంలో ఎంపీలు వేమిరెడ్డి ప్రభాకర్ రెడ్డి,బీద మస్తాన్ రావు ,ఎమ్మెల్సీ బీద రవిచంద్ర ,సర్వేపల్లి ఎమ్మెల్యే సోమిరెడ్డి చంద్రమోహన్ రెడ్డి,జిల్లా కలెక్టర్,జిల్లా పరిషత్ చైర్ పర్సన్,నెల్లూరు ఇంచార్జ్ మేయర్,దిశా కమిటీ సభ్యులు మరియు జిల్లా అధికారులు పాల్గొన్నారు…..
